MAKAUNIYAR SOYAYYA

na gaji" Meema ta fad'a cikin shagwab'a. "Is OK Meema, ba ri in je gidan Momi in dawo" Dr ya fad'a. Cikin marairaicewa Meema ta ce "Yanzu yaya Sadik fita za ka yi ka bar ni". "Yanzu zan je in dawo" Dr ya fad'a. "Ka tawo min da ice cream da baked chicken" Meema ta fad'a cikin shagwab'a. "OK zan tawo miki dashi, sai na dawo" Dr ya fad'a yana mik'ewa. Waving din hannun ta tayi kana ta koma ta kwanta. Dr kuwa yana fita gidan mu ya tawo. Tun a hanya yake jin gaban shi na fad'uwa saboda tunanin yanda zai tunkare ni. Har ya k'araso gidan yana tunanin yanda zai fuskance ni. Ya dad'e zaune a motar kana ya d'akko wayar shi yayi dialling din numba ta amma is not reachable. Hakan yasa ya fito daga motar ya yi knocking din gate din. Mai gadi ne yazo ya bud'e mai. Ganin Dr ne yasa cikin girmamawa ya gaishe shi saboda ya gane shi. Bud'e mishi k'ofar yayi ya shigo. Dr ne ya sanar dashi ya shiga ya sanar da ni nayi bak'o. Main parlour mai gadi ya yi sallama Ummu ta amsa mishi. Sanar da ita ana sallama da ni. Ni kuwa tun da na idar da sallar magrib ina zaune ina lazimi ban tashi daga sallayar ba har San da nayi sallar isha'i ina zaune. Ummu ce tayi sallama na amsa mata. Sanar da ni tayi na yi bak'o kana ta fita daga d'akin. Tun da Ummu ta sanar dani ana sallama da ni nake tunanin Wanda yake kira na a wannan lokaci. Mik'ewa nayi na fito dan ganin mai kira na. Ban gane wanene ba kasancewar ban k'arasa inda yake zaune a d'aya daga cikin kujerun dake gurin shak'atawa ba. K'arasawa nayi had'e da sallama ta. Juyowa yayi ya amsa min sallama ta had'e da murmushi a fuskar shi. Mamaki ne ya kama ni ganin Dr da nayi a lokacin wanda har hakan ya nuna a fuska ta. Wai Dr na ke gani a gaba na ko ido na ne yake min gizo?. Tabbatar da cewa shi d'in ne yasa na cire mamakin ganin shi da nayi. Gani nayi ya rame ya k'ara haske da alama kamar yayi fama da rashin lafiya. Tambayar da na fara yi wa kaina shine me ya kawo Dr gidan mu?. Ganin tambayar ba ta da wani amfani a guri na sai ma b'acin rai da hakan zai haddasa min yasa nayi saurin kawar da wannan tunanin a raina. "Fatima Zarah" Dr ya kira suna na. Ba tare da na mishi magana ba ko amsa kiran suna na da yayi na juya da niyyar komawa cikin gida dan ina ganin babu wani amfanin tsayawa in saurare bayanin abin da ya kawo shi gidan mu. Mik'ewa yayi ya kira suna na "Zarah". Ko alamar juyowa ban yi ba na ci gaba da tafiya ta na bar shi a gurin. Bi na yayi da kallo har na b'ace wa ganin shi yana nan a tsaye. Ganin tsayuwar ba ta da wani amfani a gare shi yasa ya fara tunanin tafiya. Yasan hakan daman za ta iya faruwa in har yazo waje na dan yasan raina a b'ace yake game dashi. Ya zama dole yayi hak'uri da duk abin da zan mishi. Fatan shi shine ya samu in saurare shi. Jiki a sanyaye Dr yayi ma mai gadi sallama ya bar gidan. [10/16, 19:54] Maryam Ahmad: *MAKAUNIYAR SOYAYYA*💖💝💞 🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀ *STORY & WRITTEN* *BY* *MARYAM AHMAD PAKI* *🌈KAINUWA WRITERS ASSOCIATION*🤝🏽 www.maryamahmadpaki.blogspot.com facebook: Kainuwa Writers Association *TUNATARWA* *Magana Uku Ce Magabata Suke Yawan Maimaitawa:* *(1) Idan Ka/ki ka Gyara Sirrin ka/ki, Allah Zai Gyara Zahirinka/ki..* *(2) Idan Ka/ki ka Gyara Abinda Ke Tsakanin Ka Da Allah,, Allah Zai Gyara Abinda Ke Tsakaninka/ki Da Mutane!!* *(3) Idan Kuwa Ka/ ki ka Dage Wajen Neman Lahira,, Allah Zai Sawwake Maka/mi ki Samun Duniya.* *Allah Yasa Mudace Duniya Da Lahira!!* 103-104 Tun da Dr ya shiga mota yake mamaki na da tunanin yanda ban yi maraba dashi ba san da na gan shi. A tunanin shi in dai ya tako yazo inn da nake zan yafe mishi abin da ya min tare da manta komai da ya faru a tsakanin mu, sai gashi na bashi mamaki ban ma kula shi ba bare yayi zaton samun sassauci daga guri na. Yasan abin da ya min dole ne in kasance cikin fushi dashi tare da d’aukan dukkan matakin da na ga shi yafi dacewa wajen hukunta shi. Hakan ba zai dame shi ba in har zan yafe mishi in manta komai sannan mu k’ara dasa wata sabuwar soyayya da tafi ta da dad’i da gamsarwa dan a yanzu ne wani tsimin soyayya ta ke taso mishi a cikin zuciyar shi. Da wannan tunanin ya samu ya k’arasa gida. Side d’in shi ya wuce ba tare da ya shiga side d’in Meema ba. Bedroom d’in shi ya wuce dan a yanzu yafi so ya kad’aita shi kad'ai ko ya samu sassaucin yanda yake ji a zuciyar shi ga me da ni. Yana shiga ya samu Meema kwance akan royal bed d’in shi. Yayi mamakin ganin ta saboda ba ko wane lokaci ba ne take zuwa side d’in shi ta kwanta. Cire kayan shi yayi ya shiga bathroom ya watsa ruwa ya fito. Motsin shi da Meema ta ji ne yasa ta bud’e idon ta cikin bacci ta ce "Yaya Faruk ashe ka dawo, ina ice cream d’in". Ran shi ne ya b’aci da tambar da Meema ta mi shi, daman ga yanayin yanda ya bar gurin na, dan haka yayi shiru kamar bai ji ta ba ya ci gaba da sa pyjams d’in shi. K’ara jefo mishi tambayar tayi da cewa "Yaya Faruk na ce ina ice cream d’in, tun d’azun na ke ta zaman jiran ka ba ka dawo ba, shi yasa ma ban ci komai ba". Wani banzan kallo ya watsa mata kana ya ce "don’t disturb me Meema ban siyo ba, ke ba ki san ki lura da yanayin da mutum yake ciki ba, za ki dame ni da shirmen maganar ki". Tab’e baki tayi kana cikin shagwab’a ta ce "yanzu yaya Sadik mi ye laifi na a nan dan na tambaye ka ko ka tawo min da ice cream d’in, since I was waiting for you amma na ga ba ka dawo ba, ban ci komai ba ina ta jiran dawowar ka, kasan ba na son heavy food da daddare". Ganin yanda Meema ke son takura mishi da surutun ta wanda ba abin da yafi buk’ata da ya wuce ya kasance shi kad’ai ko ya samu sauk’in yanda yake ji a zuciyar shi, hakan yasa cikin fad'a ya ce "Meema leave me alone, am not in a good mood, za ki iya koma wa side d’inki ki kwanta, a yanzu na fi buk’atar zama ni kad’ai, idan ina buk’atar ki zan zo in sa me ki ko in kira ki". Mamakin Dr ne ya kamata ganin da ga mishi magana ya fara mata fad’a, tasan fitar da yayi ne aka b’ata mishi rai shine yake son hucewa akan ta, k’arin takaicin ta shine yanda ya ce mata ta koma side d’in ta dan ya ga ta zo gurin shi. Cikin b’acin rai Meema ta sakko daga kan bed d’in ta fita daga d’akin ba tare da k’ara yin magana ba. Kwantawa yayi akan gadon yana kallon P O P dake saman ceiling d’in d’akin ya fad’a cikin kogin tunani. Tunanin yanda na nuna mishi halin ko in kula san da yazo gidan mu shine ya dinga mishi yawo a ran shi. Bai yi tunanin cewa in har ya taka k’afar shi ya zo in da na ke ba zan mishi haka ba saboda yasan irin son da nake mishi sai gashi na mishi bazata. A yanzu ba abin da yafi wahalar da shi irin soyayya ta da ke d’awainiya dashi a ko da yaushe. A yanzu ne ya tabbatar da irin zazzafar soyayyar da yake min wanda a da bai min irin ta ba. Tunanin yanda zai shawo kaina da irin soyayyar shi da yake saurin jawo hankali na yake yi. Haka ya ci gaba da sak’a da warwara yanda abin zai zo mishi da sauk’i ganin mun daidaita dashi ba tare da jan wani tsawon lokaci ba. A yanzu babban burin shi shine in amince mi shi mu k’ara dasa wata tsaftatacciyar soyayya wacce ba muyi ta a da ba. A shirye yake da ba da dukkan kulawar shi gare ni da min hallaci da soyayyar shi wanda bai min ita a da ba. Da wannan tuanin Dr ya samu bacci ya d’auke shi ba tare da ya shirya yin baccin a lokacin ba. A b’angare na kuwa tun san da na koma d’aki na fara mamakin zuwan Dr gidan mu wanda a yanzu sama da tsawon shekara d’aya da ya wuce bai neme ni ba ko ya tako ya zo gidan mu sai a yau da yayi niyyar yin haka. Tuananin abin da ya kawo shi gidan mu shi yafi d’awainiya da ni a cikin zuciya ta. Tunanin da na fi yarda dashi duk da ban tabbatar ba cewa Dr yazo gidan mu ne dan ya nemi sulhu a guri na mu daidaita saboda tak’amar ko wani lokaci yazo zan yi marhabin dashi. Sai dai in haka ne tunanin shi zan bashi mamaki domin zan nuna mishi cewa Fatiman da ya sani a da wacce ta nuna mishi makauniyar soyayya ba ita ba ce a yanzu. A yanzu na fito daga cikin duhun da a da nake ciki na soyayyar shi wanda ba na ji ba na gani amma a yanzu ina cikin haske ne domin a yanzu zan iya fuskantar shi da duk abin da yazo saboda na riga na ajiye soyayyar shi a gefe na zab’i hanyar da tafi dacewa da ni. Sai dai har yanzu nasan duk yanda Dr ya b’ata min ban daina jin son shi a raina ba. Nasan hakan ba ya rasa nasaba da sharrin so. Soyayyar da na nuna ma Dr a baya ita na fara tariyowa zuwa rayuwar auren mu da irin sakamakon da ya min da irin k’aunar da na nuna mishi ta hanyar yin min abubuwa da dama. Wanda yafi tsaya min a rai shine saki na da yayi wanda a yanzu na ke neman sama da shekara d’aya a gidan mu ba tare da Dr ya nuna damuwar shi akan hakan ba. Hawaye ne ya fara zubo min a idanu na d’aya na bin d’aya. Ban damu da in share ba saboda nasan shi kan shi hawayen rahama ne a gare ni. Tunanin da zuciya ta ke yawan yi shine daman Dr kuwa yana so na kamar yanda na ke son shi kuwa? Amsar da zuciya ta tafi karkata da ita shine Dr yana so na duba da yanda ya nuna min kulawar shi da irin soyayyar shi tun kafin in aure shi har zuwa rayuwar auren mu, sai dai nafi gamsuwa da cewa na fi son Dr akan son da yake min. A halin da ake ciki yanzu shine soyayyar yaya Faruk da take son hana ni sukuni ga kuma soyayyar Dr dake gefe d’aya a cikin zuciya ta. Sai dai a yanzu na fi marhabin da soyayyar yaya Faruk in har zan samu k’arb’uwa a wajen shi duba da yanda ya so ni a da sannan ga halayen shi nagari da su ka k’ara bayyanuwa a gare ni. Fata na shine in bar wa Allah zab’i ya zab’a min cikin yaya Faruk da Dr wanda zai fi zama akhairi a gare ni. Ina cikin wannan tunanin ne na ji sallamar Ummu ta shigo d’akin. Saurin goge hawaye na nayi kana na yalwata fuska ta da murmushi a fuska ta na amsa mata sallamar. Kallo na tayi ta zauna a gefen bed d’ina ta fuskance ni. "Fatima me ya same ki, tun da kika dawo kiran ki da aka yi a waje na lura da yanayin ki ya canza, shi yasa lokacin da kika dawo na ga kin wuce d’akin ki ban takura miki ba wajen sanin me ya faru". Shiru na yi ina sunkuyar da kaina kana ina wasa da y’an yatsun hannu na. Har lokacin hawaye ne ke k’ok’arin ci gaba da zubowa a idanu na. Ummu ce ta jefo min da tambaya "Fatima wanene ya aiko a ka kira ki a waje?". Cikin sanyin murya na ce "Dr Sadik ne". Kallo na Ummu tayi tana nazari na kafin ta d’aura da cewa "Kenan shi yasa yanayin ki ya canza ki ka zo d’aki kina tuani" Ummu ta fad’a. Amsa mata nayi da cewa "A’ah Ummu, ban ji dad’in jiki na ne". Girgiza kai Ummu kawai Ummu tayi ba tare da ta yarda da abin da na fad’a ba. Shiru Ummu tayi kana ta d’aura da cewa "Fatima ya dai kamata ki san abin da ya dace da ke dan shekaru sun ja, ya kamata ki tsaya ki natsu wajen tantance wanda ya kamata ki zab’a a matsayin mijin ki saboda ba na so ki k’ara kwatanta kuskuren da kika yi a baya sannan ki dage wajen mik’a wa Allah buk’atun ki Allah ya zab’a miki abin da yafi zama alkhairi a gare ki, nima zan ci gaba da taya ki da addu’a". "Na gode Ummu" na fad’a cikin sanyin murya. Mik’ewa Ummu tayi ta ce "Fatima ina so ki fahimci cewa duk abin da ya sami bawa rubutacce ne daga wajen ubangiji, kowane mutum da kike gani yana tare da k’addarar sa, duk abin da kika ga yayi farko ta yana da k’arshe, saboda haka ina so ki mik’a dukkan lamarin ki zuwa ga Allah subhanahu wata a’la akan ya saman miki mafita a rayuwar ki, ba na jin dad’in yanda wani lokacin na ke ganin ki cikin tunani, ni kaina hankali na ba ya kwanciya in na ganki a wannan halin, ya kamata ki daina sa ma kan ki damuwa kin ji ko auta ta" Ummu ta k’arasa maganar da wasa. "Zan kiyaye insha Allah Ummu" na fad’a. Murmushi Ummu tayi ta ce "Yawwa auta ta, haka na ke son ji, Allah ya kawo miki miji nagari". Murmushi nayi na sunkuyar da kaina kana na amsa da "Amin Ummu". Fita Ummu tayi daga d’akin. Bayan fitar Ummu ne na fara tunanin maganar da ta fad’a min. Nasan duk wannan maganar da Ummu take yi tana yin abin da hausawa ke cewa kukan kurciya jawabi ne, mai hankali ke iya gane wa, maganganun ta suna nuni da cewa kar in yi saurin amincewa da Dr duba da yanda ta faru a tsakanin mu, Ummu ba tasan nima a yanzu na ma kaina karatun ta natsu ba, a yanzu na dawo daga rakiyar makauniyar soyayya wacce ba za ta b’ille da ni hanyar da nake so ba sai dai ta bar ni a tashar nadama, a yanzu abin da na fi buk’ata shine duk wanda zan aura ya zama soyayya mai tsafta muka gina a tsakanin mu dan samun ribar soyayya ga duk wanda suka k’ulla ta a hanyar da ta dace. Ganin yanda tunani yake so ya takura min yasa na tashi na fito falo na kunna kallo dan in rage ma kaina tunanin da ke son addaba ta. Ina cikin kallo ne Ummu ta fito daga side d’in ta tazo ta zauna muka ci gaba da kallon kana mu tab’a hira jefi-jefi. Na ji dad’in kasancewa a wannan yanayin domin hakan ya cire min damuwar da nake ciki da tunanin da ke son takura min. Yau ranar ta kasance ranar Talata. Na dawo daga aiki na shigo da mota ta cikin layin mu na ga wata mota a gate d’in gidan mu wanda ban gane mai mamallakin motar ba. Kusa da motar na zo nati parking kasancewar ba hanyar da zan wuce. Ganin wanda ya fito daga motar ne yasa na bi shi da kallo dan ban yi tunanin zuwan shi a wannan lokacin ba duba da yanda muka rabu dashi. Dr ne na ga ya nufo mota ta. San da ya k’araso ne ya min nocking d’in k’ofar mota ta amma ban bud’e ba. D’aure fuska ta nayi ina jiran jin shi da me yazo. Sai da ya min nocking kusan sau 4 sannan nayi wining d’in glass d’in motar. . Sallama ya min na amsa mai kana ya d’aura da cewa "Fatima pls in ba damuwa ina so ki ara min time d’in ki muyi magana, d’azun na zo mai gadin ku yake fad’a min kin je gurin aiki, shi yasa ma na tambaye shi lokacin da za ki dawo aikin ya fad’a min". Tab’e baki na nayi na ce "Kash! Gashi kuma yanzu ban da time saboda yanzu na dawo daga aiki ina buk’atar hutawa, za ka iya dawowa next time in kana buk’ar hakan". Kallon mamaki Dr ya bi ni dashi saboda ba yi tunanin hakan daga gare ni ba. Ran shi ne ya b’aci da maganar da na mishi wanda hakan ya nuna a fuskar shi, sai dai yayi k’ok’arin controlling d’in fushin shi. "pls Zarah ko yaya ne ki bani time d’in ki, maganar da za mu yi da ke is very important a tsakanin mu, ba zan ja maganar tayi tsawo ba tun da kina buk’ar ki huta" Dr ya fad’a. "Ina ganin na riga na fad’a maka tun farko ban da time da zan tsaya sauraron ka a yanzu saboda ina buk’atar hutawa, maganar da ka ke yi wai maganar na da mahimmanci ina ganin a gurin ka ta ke da mahimmanci domin ni in dai ta b’angare na ne ba na buk’atar jin ta, in kuma maganar da mahimmanci a gurin ka kamar yanda ka fad’a za ka iya dawowa next time amma ba yau ba" cewa ta. Kallo Dr ya bi ni dashi kamar yau ya fara gani na, nasan hakan bai rasa nasaba da mamaki na. Nasan bai yi zaton zan mishi haka ba saboda yasan irin son da na ke mishi, sai gashi na bashi mamaki wajen fad’a mishi magana kai tsaye. San da yazo na k’i sauraron shi ya d’auka wannan hukuncin na tanazar mishi, sai gashi yau ma na zo da wani salo na kora da hali. Ganin Dr bai da niyyar matsawa daga gurin yasa na kunna karatun alk’ur’ani a cikin motar cikin suratul Rahaman kana na d’akko waya ta ina pressing. Nasan hakan ne kad’ai zai sa Dr ya tafi ba tare da mun yi musayar yawu dashi bad an nasan a cikin abin da Dr ya tsana shine shariya da k’yaliya. Ran Dr ya b’aci da abin da na mishi wanda hakan ya bayyana a fuskar shi sai dai yana k’ok’arin b’oyewa. Bai k’ara ce min komai ba ya girgiza kai kana ya tafi ya shiga cikin motar shi. A 360 ya ja motar ya bar layin. K’aramin tsaki nayi kana nayi wa mai gadi horn ya zo ya bud’e min na shiga da mota ta ciki. Ko da na shiga ciki ban yi realising abin da na wa Dr ba, a gani na Dr ya cancanci in mishi fiye da haka. Hakan ya tabbatar min da cewa a yanzu na dawo daga rakiyar makauniyar soyayya da na ke wa Dr. Nasan in da a da ne da yanzu ina nan cikin damuwa ganin na b’ata wa Dr rai amma a yanzu hakan bai dame ni ba duba da yanda a da na nuna mishi soyayya mara misaltuwa wanda ban ji ban gani. Yanzu na fi samun natsuwa a cikin zuciya ta saboda ajiye wahalalliyar soyayyar Dr da a da ta azabtar dani. Ranar haka na kasance cikin walwala dan nasan ko ba komai na b’ata wa Dr rai. Dr kuwa tun da ya fara driving yake tunanin abin da na mishi wanda bai za ci hakan daga gare ni ba. Soyayya ta dake wahalar dashi a yanzu ita take k’ok’arin cire mai duk wani walwalar shi da farin cikin shi. Wani irin so yake min da shi kanshi ba zai iya fasalta yanda yake ji na a zuciyar shi ba. A da yana ganin zai iya rayuwa ba tare da ni ba, sai a yanzu ne ya k’aryata zuciyar shi cewa ba zai iya ci gaba da gudanar da rayuwar shi ba tare da ni ba. Zuciyar shi ce ta fara harbawa da sauri-sauri a lokaci d’aya k’irjin shi ya ji ya fara mishi wani irin ciwo. Dafe k’irjin shi yayi ya rintse ido saboda yanda yake jin ciwon a cikin jikin shi. Jinginar da kanshi yayi a jikin sitiyari yana maida numfashi. Sai da ya d’auki lokaci kafin ya samu k’irjin ya lafa mishi amma har yanzu yana jin sauran ciwon. A haka ya samu ya ja motar har ya k’araso gida. Side d’in Meema ya shigo had’e da sallama ya zauna in da ya same ta a kujerar 2-sitter tana kwance tana buga game a wayar ta. Meema kuwa tun da ta amsa mishi sallamar ta mishi sannu ta maida hankalin ta akan game d’in da take bugawa ba tare da ta lura da yanayin da Dr yake ciki ba. Ciwon k’irjin ne ya k’ara dawowa Dr wanda ya fi lokacin da yake cikin mota. Yanda ya fara numfashi ne yasa Meema tayi saurin maida hankalin ta gare shi. Ganin halin da Dr yake ciki yasa ta yar da wayar da ke hannunta ta nufo gurin shi. Rik’e shi tayi tana tambayar shi in da yake mishi ciwo a lokaci d’aya tasa kuka mai ban tausayi. Dr bai samu damar yin magana ba saboda yanda yake ji a jikin shi. Da k’yar Dr ya samu ya bud’e baki ya fad’a ma Meema in da maganin shi yake a bedroom d’in shi. Da gudu Meema ta nufi bedroom d’in shi ta d’akko maganin ta bashi ya sha. Jingina yayi da kujerar da yake zaune yana maida numfashi a hankali. Bai wani jima da shan maganin ba ya fara jin bacci. Hakan yasa ya kwanta akan kujerar 3-sitter d’in da yake zaune. Meema ce ta zo ta zauna kusa dashi tana kallon shi. Wani irin tausayin shi ne ya kamata ganin yanda ciwon yake wahalar da Dr. Ji take yi kamar ta cire ciwon daga jikin shi ko ya samu sauk’in wahalar da yake sha. Hawaye ne ya fara zubowa a idanun ta na tausayin Dr. Hannun ta takai kanshi tana shafa mi shi a hankali. Haka Meema ta ci gaba da zama tana jiran tashin Dr. Dr sai da ya d’auki fiye da awa d’aya kana ya tashi daga baccin da yayi. A hankali ya bud’e idon shi yayi tozali da Meema kusa dashi. Mamaki ne ya kama shi ganin Meema kusa dashi. Hakan ya tabbatar mi shi da cewa tun san da ya fara bacci ta ke zaune a gurin. Shi kan shi yasan Meema na son shi sai dai al’adar yahudawa da take koyi dasu da wasu halayen ta na cewa tana da freedom d’in kanta ba ta cika bin abin da zai fad’a mata ba a matsayin shi na mijin tab da wasu hakk’ok’in ta da ba ta saukewa a matsayin ta na matar shi, wannan shine matsalar da suke fuskanta da ita Meeman. Shi kan shi wani lokacin tana bashi tausayi saboda son da take mishi, yana ji a ranshi zai iya ci gaba da zama da ita matuk’ar za ta gyara halayen ta ko dan darajar son da take mishi da kuma Momin shi. Yasan so d’aya ne tak ya kuma riga ya mallaka min, sai da ya na k’ok’arin ganin ya sa son Meema a ranshi ko yaya ne saboda yanda ta d’auki lokaci tana d’awainiya da son shi a cikin zuciyar ta kuma gashi yanzu tana matsayin matar shi ta sunna. Katse mi shi tunanin shi Meema tayi da cewa "Ka tashi yaya Sadik, ya jikin?". K’asaitaccen murmushi ne ya bayyana a fuskar shi ya ce "Na tashi Meema, naji sauk’i, thanks". "Thanks for what" Meema ta fad’a. "for your caring" Dr ya ba ta amsa. "you deserve more than that" cewar Meema. Murmushi yayi ya rungume ta kana ya rik’e mata hannu yana wasa dashi. A haka suka ci gaba da hira da Meema. Dr ne ya bata umarnin ta dafa mishi shayi wanda ya ji kayan k’amshi a ciki. Ba a d’au lokaci ba Meema ta dafa shayin ta kawo mishi ya sha. Ranar kam zaman su abin burgewa da ban sha'awa saboda yanda su ka tarairayi junan su. [10/21, 11:46] Maryam Ahmad: *MAKAUNIYAR SOYAYYA*💖💝💞 🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀🤦🏽‍♀ *STORY & WRITTEN* *BY* *MARYAM AHMAD PAKI* *🌈KAINUWA WRITERS ASSOCIATION*🤝🏽 Facebook: Kainuwa writers Association www.maryamahmadpaki.blogspot.com *TUNATARWA* _Rayuwa haske ce_ _Mutuwa kuma aya ce_ _Arziki jarrabawa ne_. _Talauci kuwa misali ne_ _Hankali makaranta ne_ _Ilimi kuwa jagora ne_ _Jahilci kuwa duhu ne_ _Duniya gida ce_ Qabari daki ne_ _Allah ka sa mu dace_ 105 Ni kuwa ta b’angare na ban san halin da Dr yake ciki ba, gudanar da rayuwa ta nake cikin nishad’i ba tare da wata matsala ko damuwa ba. Matsala ta ba ta wuce yanda zan k’ara tunkarar yaya Faruk ba tun da ya min gargad’i akan in k’ara tunkarar shi da maganar ina son shi. Gashi ko na kira shi a waya bai